Əmək müqaviləsi bağlanmadan (hüquqi qüvvəyə minmədən) işəgötürən tərəfindən fiziki şəxslərin hər hansı işlərin (xidmətlərin) yerinə yetirilməsinə cəlb edilməsi onların gəlirlərinin gizlədilməsinə (azaldılmasına) şərait yaradılmasıdır.
İşəgötürənə Vergi Məcəlləsinin 58.10.-cu maddəsinə əsasən
-belə hala birinci dəfə yol verdikdə 2000 manat,
-ikinci dəfə yol verdikdə 4000 manat,
-üç və daha çox dəfə yol verdikdə 6000 manat məbləğində cərimə (maliyyə sanksiyası) tətbiq edilir.
Eyni zamanda AR İnzibati Xətalar Məcəlləsininin 192.1 maddəsinə əsasən bu hal baş verdiyi təqdirdə,
-fiziki şəxslər 1000 manatdan 2000 manatadək məbləğdə,
-vəzifəli şəxslər 3000 manatdan 5000 manatadək məbləğdə,
-hüquqi şəxslər 20000 manatdan 25000 manatadək məbləğdə cərimə edilir.