Konsaltinq şirkətləri adətən məsləhət xidmətləri göstərən şirkətlərdir. Azərbaycanda konsaltinq şirkətləri müxtəlif xarakterli məsləhətlər həyata keçirirlər. Əsasən, bu xidmətlərə hüquq konsaltinq, vergi konsaltinq, mühasibatlıq xidmətləri, mühasibat uçotunun təşkili xidmətləri, biznes konsaltinqi, texniki təhlükəsizlik və digər xidmətlər aid edilə bilər.
Spesifik bilik tələb edən mövzular sahəsində kənar şirkətlərdən məsləhətlərin alınması bir sıra hallarda şirkətlərin daxili qaydalarının tələbi, digər hallarda praktiki zərurətlə bağlı ola bilər.
Konsaltinq xidmətlərini göstərən şirkətlər göstərdiyi xidmətin nəticəsinə əsasən təminat vermədən formalaşmış təcrübə və xüsusi bilikləri əsasında tövsiyələrini verir.
Konsaltinq şirkətləri ilə bağlanılan müqavilələrdə aşağıdakı məqamların nəzərə alınmasını tövsiyə edirik:
- göstəriləcək konsaltinq xidmətlərinin dəqiq dairəsi;
- xidmətlərə daxil olmayan məsələlər;
- konsaltinq şirkətinin təminat verdiyi nəticələr;
- konsaltinq şirkətinin məsuliyyəti – qəsdən və ya kobud ehtiyatsızlıqdan verilmiş yanlış məsləhətin hüquqi nəticəsi;
- konsaltinq xidmətlərinin göstərilməsinə cəlb ediləcək şəxslərə dair tələblər və ya onların siyahısının dəqiq müəyyən olunması;
- xidmətlərin göstərilmə müddəti;
- konsaltinq şirkətindən tələb edilən peşəkar məsuliyyət sığortası;
- cəlb ediləcək məsləhətçilərin siyahısı;
- digər ümumi müqavilə şərtləri.
Konsaltinq şirkətlərinin əsas müqavilə öhdəliyi mövzu üzrə məsləhətin verilməsi olduğundan, təcrübədə hər hansı nəticənin baş verməsinə təminatın alınması dəqiqləşdirilməlidir. Verilmiş məsləhətin yanlış çıxması nəticəsində baş verəcək zərərlər praktikada əsasən, peşəkar məsuliyyət sığortası əldə edilməklə aradan qaldırılır. Bu zaman konsaltinq şirkətinin peşəkar məsuliyyətinin həddinin və sığorta hadisəsinin ətraflı izahının müqavilədə əks etdirilməsi tövsiyə edilir.
Azərbaycan bazarında geniş təcrübəyə malik olan C&S Group şirkətinə qeyd edilən sahədə xidmətlərinizi həvalə edə bilərsiniz:
- hüquq məsləhətləri və hüquqi təmsilçilik;
- biznesin təşkili zamanı hüquqi və vergi planlaması;
- vergi konsaltinqi və mübahisələrin həlli;
- mühasibatlıq xidmətləri və mühasibatlıq uçotunun təşkili;
- hüquq və vergi konsaltinqi sahəsində digər tələb edilən xidmətlər.